Бизнес байланыста: виртуалды АТС компанияларға көбірек ақша табуға қалай көмектеседі

Қазіргі әлемде клиенттер кері байланыстың лезде берілуін күтеді. Әрбір қабылданбаған қоңырау — өткізіп алған тапсырыс, жоғалған мәміле, қанағаттанбаған клиент. Бұл мәселе әсіресе қызмет көрсету, сату және тұтынушыларды қолдау саласында жұмыс істейтін компаниялар үшін өте маңызды. Қызмет сапасын жақсарта отырып, бір мезгілде байланыс шығындарын қалай оңтайландыруға болады? Бұның жауабы оңай — қолжетімді Beeline Business технологияларын пайдалану.

Виртуалды АТС жұмыстарының тиімділігін арттырғысы келетін компаниялар үшін таптырмайтын құралға айналуда. Бұл — жай ғана телефондық байланыс емес, әр қоңырауды басқаруға, клиенттер ағынын талдауға және сату бөлімінің жұмысын автоматтандыруға мүмкіндік беретін коммуникацияларды басқарудың тұтас жүйесі.

Виртуалды АТС деген не және бұл бизнес үшін неге маңызды?

Дәстүрлі кеңсе АТС-тары жабдықтарды сатып алуды, сымды желілерді қосуды, қоңырауларды бағыттаудың күрделі схемаларын конфигурациялауды талап етеді. Виртуалды АТС интернет арқылы жұмыс істеп, оларды толығымен алмастырады. Смартфон, ноутбук, планшет немесе стационарлық телефон секілді кез келген құрылғыдан қоңырау қабылдауға және шалуға болады:

Бұлтты телефонияны әлдеқашан қолданатын компаниялар үш негізгі артықшылыққа ие болады.

• Үнемдеу — дәстүрлі АТС-тың жабдықтары мен оған техникалық қызмет көрсетуге кететін шығындарды азайту.
• Мобильділік - қызметкерлер әлемнің кез келген нүктесінде байланыста болады.
• Бақылау — қоңыраулардың толық статистикасы, сөйлесулердің жазбалары, автоматты аналитика.

Бірақ, бастысы — жоғалған клиенттердің саны азайып, сатылымдар көбейеді.

Виртуалды АТС бизнес-тапсырмаларды қалай шешеді

Әр бизнесте кездесетін мәселелер ұқсас: менеджерлердің кіріс өтінімдерін өңдеуге уақыты жетпейді, клиенттер қоңырау шала алмайды және байланыс сапасы көп жағдайда бақыланбайды. Виртуалды АТС бұл мәселелерді шешуге көмектеседі.

1. Қабылданбайтын қоңыраулар санын азайту

Жүйе қоңырауларды бос қызметкерлерге үлестіреді, бірнеше нөмірлерді бір нөмірге біріктіреді және өтініштерді өңдеудің икемді сценарийлерін ұсынады. Барлық операторлар бос болмаса да, клиенттің қоңырауы жауапсыз қалмайды: қоңырау автоматты түрде дауыстық поштаға немесе дауыстық мәзірге жіберіледі.

Мысалы, медициналық емханалар желісі виртуалды АТС-ты қосып, қоңыраулар әкімшілер арасында үлестірілетіндей баптау жасады. Нәтижесінде, қабылданбаған өтініштер саны азайды, ал клиенттер сервистің сапасын атап өтті.

2. Қызметкерлердің жұмысын оңтайландыру

Менеджерлер енді қоңырауларды ауыстырып қосуға уақытын кетірмейді, ал басшылар бақылау құралына ие болады. Сөйлесу жазбалары сату бөлімінің жұмысын талдауға, әлсіз тұстарын анықтауға және клиенттік сервистің деңгейін арттыруға мүмкіндік береді.

Мысалы: интернет-дүкен виртуалды АТС-ты енгізді. Бұл клиенттің күтуге кететін орташа уақытын қысқартуға және қызмет көрсету сапасын жақсартуға мүмкіндік берді.

3. Икемділік пен ауқымды кеңейту мүмкіндігі

Виртуалды АТС кез келген көлемдегі бизнеске оңай бейімделеді. Жаңа қызметкерлерді енгізуге, қоңырауларды өңдеудің дербестендірілген сценарийлерін баптауға, қосымша мүмкіндіктерді қосуға болады — осының барлығына қомақты шығындар жұмсалмайды.

Мысалы, логистика саласында қызмет ететін компания әртүрлі қалалардағы филиалдарды біріктіру үшін виртуалды АТС-ты пайдаланады. Барлық қызметкерлер бір нөмірмен жұмыс істейді, ал клиенттер менеджерлер басқа қалада немесе елде болса да, өз аймағындағы ұялы нөмірге қоңырау шалады.

Бизнеске бәсекелестік артықшылық беретін функциялар

Виртуалды АТС — бұл мықты бизнес-құрал. Негізгі функцияларына келесілер кіреді:

• дауыстық мәзір (IVR) — клиенттерге қажетті ақпаратты тезірек алуға көмектесетін қоңырауларды үлестіреді;
• автоматты қайта адрестеу — қызметкер жауап бермесе де, қоңыраулар жоғалмайды;
• сөйлесулерді жазу — даулы жағдайлар туындаған кезде сапаны бақылау және қорғау;
• статистика және аналитика — қоңыраулар туралы мәліметтер, қызметкерлерді жүктеу;
• CRM интеграциясы — қоңыраулар клиенттік базада тіркеліп, мәмілелерді жүргізуді жеңілдетеді.

Бұл құралдар компанияларға шығындарды азайтуға, тұтынушыларға қызмет көрсетуді жақсартуға және сатылымдарға айналған конверсияны арттыруға мүмкіндік береді.

Тарифті қалай таңдауға және виртуалды АТС-ты қалай қосуға болады

Қызметін жаңа бастаған шағын бизнес үшін базалық тариф жеткілікті. Ірі компаниялар үшін бөлімдерді біріктіру, егжей-тегжейлі талдау, көп деңгейлі мәзір секілді функционалдық мүмкіндіктер қарастырылған.

Кез келген көлемдегі бизнес қызметті жеті күн бойы тегін қолданып көре алады. Осы уақыт ішінде жұмыс істеу ыңғайлырақ бола бастағанын және сіздің компанияңызға қандай функциялар қажет екенін оңай бағалауға болады.

Цифрландыру — тренд емес, нақты қажеттілік. Заманауи бизнес тиімсіз байланыстың салдарынан клиенттерін жоғалтуға жол бере алмайды. Beeline Business ұсынатын виртуалды АТС — жай ғана құрал емес, компанияларға көбірек ақша табуға және бәсекелестерді айналып өтуге көмектесетін стратегиялық шешім.

Тегін  қолданып көріп, өзіңіз көз жеткізіңіз!